Mana Voori News

డిసెంబర్ 21 చారగొండ: డిసెంబర్ 17న జరిగిన గ్రామపంచాయతీ ఎన్నికల్లో వార్డ్ నెంబర్ గా గెలిచిన రతన్ ఆంగోతు, తండ్రి ధర్మ మర్రిపల్లి గ్రామం. వార్డ్ నెంబర్ గా గెలిచిన తర్వాత రాజీనామా చేయడానికి కారణం తెలిపారు. ప్రభుత్వ ఉద్యోగం కోసం ప్రిపేర్ అవుతున్నానని తెలిపారు. తనకు రాజీనామా చేయవలసిన అవసరం ఉందని తెలిపారు. తన రాజీనామా ఎంపీడీవో కార్యాలయానికి పత్రాన్ని పంపించారు. తన రాజీనామాను అంగీకరించవలసిందిగా కోరారు ఆంగోతు రతన్. గ్రామ సేవ చేయడానికి ఎల్లప్పుడూ ముందు ఉంటానని చెప్పారూ ఆంగోతు రతన్.

---

డిసెంబర్ 20 సూర్యాపేట:

జాతీయ రోడ్డు భద్రత మాసోత్సవాలు 2026 లకు సంబంధించి ప్రభుత్వ ప్రధాన కార్యదర్శి రామకృష్ణ రావు, రవాణా శాఖ కమిషనర్ వికాస్ రాజ్ లతో కలిసి రాష్ట్ర రవాణా, బి సి సంక్షేమ శాఖ మంత్రి పొన్నం ప్రభాకర్ అన్ని జిల్లాల కలెక్టర్లు, ఎస్పి లు, రవాణా శాఖ, ఎడ్యుకేషన్, వెల్ఫేర్ అధికారులతో విడియో కాన్ఫిరెన్స్ నిర్వహించారు. సందర్భంగా జిల్లా కలెక్టర్ మాట్లాడుతూ సూర్యాపేట జిల్లాలో పోలీస్, రవాణా, రెవిన్యూ, ఆర్ & బి, పంచాయతీ రాజ్ శాఖలు సమన్వయం చేసుకుంటూ జాతీయ రహదారులపై బ్లాక్ స్పాట్లను గుర్తించడం జరిగిందని అలాగే ముందస్తు జాగ్రత్తలు తీసుకోవడం ద్వారా గత సంవత్సరం కంటే ఈ సంవత్సరం 26% మరణాలు, 9% ప్రమాదాలను తగ్గించడం జరిగిందని వచ్చే సంవత్సరానికి సంబంధించి అన్ని శాఖలను సమన్వయము చేసుకుంటూ కార్యచరణ ప్రణాళిక రూపొందిస్తామని కలెక్టర్ మంత్రికి వివరించారు.

ఈ వీడియో కాన్ఫరెన్స్ అనంతరం కలెక్టర్ అధికారులతో మాట్లాడుతూ చిన్న చిన్న కారణాలతో ప్రమాదాలు జరిగి ప్రాణాలు కోల్పోతున్నారని ఇట్టి సమస్యను పరిష్కరించే దిశగా 18 సంవత్సరాల లోపు ఉన్న పిల్లలకు వాహనాలను తల్లిదండ్రులు ఇవ్వకూడదని అదేవిధంగా ట్రాఫిక్ నిబంధనలు విద్యార్థులకు, యువకులు తెలియజేసేలా పాఠశాలలో, కళాశాలలో అవగాహన కార్యక్రమాలు నిర్వహించాలని ఆర్టీసీ బస్సులు,లారీలు రోడ్డుపై ఆపకుండా ప్రక్కన ఆపే విధంగా చర్యలు తీసుకోవాలని అన్నారు.

రోడ్డు భద్రతా మాసోత్సవాల్లో భాగంగా రవాణా శాఖ,పోలీస్,రెవెన్యూ, ఆర్ అండ్ బి, హెల్త్,ఇండస్ట్రియల్, పంచాయతీరాజ్ ఇంజనీర్, వెల్ఫేర్ రెసిడెన్షియల్ స్కూల్స్, హాస్టల్స్ లాంటి శాఖలు తమ కార్యచరణ ప్రణాళికను వచ్చే సోమవారం నాటికి అందించాలని ఆదేశించారు.మాసోత్సవాల్లో భాగంగా పాఠశాలలో, రెసిడెన్షియల్ స్కూల్స్లలో వ్యాచరచన పోటీలు,రోడ్ సేఫ్టీ క్లబ్స్ ఏర్పాటు చేయాలని అలాగే పిల్లలకు రోడ్లు ఏ విధంగా దాటాలో అవగాహన కల్పించాలని ఆర్టీసీ బస్టాండ్లలో వారంకు ఒక కార్యక్రమం నిర్వహించి రోడ్డు భద్రత పై ప్రజలకు, డ్రైవర్లకు అవగాహన కల్పించాలని బైకు నడిపేటప్పుడు హెల్మెట్ తప్పనిసరి అని, షీట్ బెల్ట్ ధరించేలా ప్రజలకు అవగాహన కల్పించేలా కార్యక్రమాలు నిర్వహించాలని సూచించారు. కలెక్టరేట్ కార్యాలయంలో పనిచేసే అధికారులు, అలాగే కలెక్టరేట్ కు వచ్చే ప్రజలు తప్పనిసరిగా హెల్మెట్, సీట్ బెల్ట్ ధరించాలని,వారం రోజులు మాత్రమే గడువు ఇవ్వటం జరుగుతుందని తర్వాత ఎవరైనా హెల్మెట్, సీట్ బెల్ట్ ధరించకపోతే వారి వాహనాలను కలెక్టరేట్లోకి అనుమతించేది లేదని హెచ్చరించారు.

మండల స్థాయి లో తహసీల్దార్ ఆధ్వర్యంలో రోడ్డు భద్రత ప్రమాదాలపై కమిటీ ఏర్పాటు చేసి బ్లాక్ స్పాట్స్ గుర్తించి సూచిక బోర్డులు, స్పీడ్ బ్రేకర్స్ ఏర్పాటు చేయాలని అన్నారు.బ్లాక్ స్పాట్ ల దగ్గర ఫస్ట్ ఎయిడ్ కిట్ అందుబాటులో ఉండేలా చర్యలు తీసుకోవాలని తెలిపారు. జాతీయ రహదారుల నుండి అనుసంధానం అయ్యే మున్సిపాలిటీ, పంచాయతీరాజ్, ఆర్ అండ్ బి రోడ్లకు స్పీడ్ బ్రేకర్లు,సూచిక బోర్డులు ఏర్పాటు చేయాలని సూచించారు. అన్ని జాతీయ రహదారులపై బ్లాక్ స్పాట్లను గుర్తించి రోడ్డు ప్రమాదాల నివారణ కొరకు తగిన చర్యలు తీసుకోవాలని సూచించారు.

పోలీస్ అలాగే రవాణా శాఖ అధికారులు లారీ డ్రైవర్లతో, స్కూల్ బస్ డ్రైవర్లతో సమావేశం నిర్వహించి వాహనాలలో ఫస్ట్ ఎయిడ్ కిట్ ఉండేలా చూడాలని అలాగే ప్రమాదాల నివారణకు కృషి చేయాలని సూచించారు.

డ్రైవర్లకు హెల్త్ క్యాంపు లు నిర్వహించి టి బి లాంటి అన్ని ఆరోగ్య పరీక్షలు నిర్వహించడం తోపాటు మందులు ఇవ్వాలని అన్నారు.

మున్సిపాలిటీలో స్కూల్ జోన్ లాంటి ప్రాంతాలలో ఆటోలు,రిక్షాలు, క్యాబ్ డ్రైవర్లకు నేమ్మిదిగా వెళ్లేలా మున్సిపల్ కమిషనర్లు అవగాహన కార్యక్రమాలు నిర్వహించాలని సూచించారు.

సాండ్ టాక్సీ, మైనింగ్ వాహనాలకు ఫిట్ నెస్ సర్టిఫికెట్ ఉంటేనే రేడియం స్టికర్ అతికించాలని, పరిశ్రమలకు చెందిన వాహనాల డ్రైవర్లకు సరిపడే నిద్ర ఉండేలా డ్యూటీ లు ఇచ్చేవిధంగా యాజమాన్యం తో మాట్లాడితో చాలా వరకు ప్రమాదాలు తగ్గుతాయని తెలిపారు.

కేంద్ర ప్రభుత్వం రోడ్డు ప్రమాదాలకి గురైన వారికి తక్షణమే చికిత్స అందించేందుకు 1.50 లక్షల రూపాయలు వారం రోజుల్లో సంబంధిత హాస్పిటల్ కు అందజేస్తుంది కాబట్టి రోడ్డు ప్రమాదాలలో క్షతగాత్రులకు వెంటనే చికిత్స చేయాలని హాస్పిటల్ యాజమాన్యులను కోరారు.

రాత్రి పూట పశువులు, కుక్కలు రోడ్లపై సంచరించడంతో ప్రమాదాలు జరుగుతున్నాయని వాటిని నివారించేందుకు తగ్గిన చర్యలు తీసుకునేలా ప్రణాళికలు రూపొందించాలని ఆదేశించారు.

జాతీయ రహదారులపై ఏమైనా ప్రమాదాలు జరిగితే వారికి ప్రథమ చికిత్స చేసి హాస్పిటల్ కు తరలించేందుకు అంబులెన్స్ అందుబాటులో ఉండేలా ఏర్పాట్లు చేసుకోవాలని సూచించారు.

  చిన్న చిన్న భద్రత ప్రమాణాలు పాటించడం ద్వారా ప్రమాదాలు నివారించి ప్రాణాలను కాపాడినవారిమి అవుతామని ఇట్టి విషయాన్ని అధికారులు  సామాజిక బాధ్యతగా భావించి ప్రతి ఒక్కరు కృషి చేయాలని అన్నారు.

ఈ వీడియో కాన్ఫరెన్స్ కు జిల్లా ఎస్పీ కే నరసింహ, అదనపు కలెక్టర్ కె సీతారామారావు, ఆర్టీవో జయప్రకాశ్ రెడ్డి, ఆర్ అండ్ బి ఈ ఈ సీతారామయ్య, పశుసంవర్ధన అధికారి శ్రీనివాసరావు, ఇండస్ట్రియల్ జిఎం సీతారాం,వెల్ఫేర్ అధికారులు శంకర్ నరసింహారావు వెల్ఫేర్ అధికారులు శంకర్, నరసింహారావు, దయానందరాణి, డీఈవో అశోక్ తదితరులు హాజరైనారు.

---

జారీ చేసిన వారు, జిల్లా పౌర సంబంధాల అధికారి, సూర్యాపేట

డిసెంబర్ 19 మహేశ్వరం: మహేశ్వరం నియోజకవర్గం కందుకూరు మండలంలో ఇటీవల జరిగినటువంటి సర్పంచ్ ఎన్నికల్లో ఘన విజయం సాధించిన భారతీయ జనతా పార్టీ సర్పంచ్ అభ్యర్థులు తమ వార్డు మెంబర్లతో కలిసి మండల అధ్యక్షులు నిమ్మ అంజి రెడ్డి గారి ఆధ్వర్యంలో ఈరోజు రంగారెడ్డి జిల్లా స్థానిక సంస్థల ఎన్నికల కన్వీనర్, మహేశ్వరం నియోజకవర్గ బిజెపి ఇన్చార్జ్ అందెల శ్రీరాములు గారిని నియోజకవర్గ బిజెపి కార్యాలయంలో మర్యాదపూర్వకంగా కలవడం జరిగింది. ఈ సందర్భంగా నూతనంగా ఎన్నికైనటువంటి సర్పంచ్ మరియు పాలకవర్గాన్ని శ్రీరాములు గారు ఘనంగా సత్కరించారు. అనంతరం శ్రీరాములు గారు మాట్లాడుతూ కేంద్ర మంత్రివర్యులు గంగాపురం కిషన్ రెడ్డి గారి ఆశీస్సులతో అదే విధంగా చేవెళ్ల పార్లమెంట్ సభ్యులు కొండా విశ్వేశ్వర్ రెడ్డి గారి సహకారంతో గ్రామాలను అభివృద్ధి చేసుకుందామని తెలిపారు. కేంద్ర ప్రభుత్వ పథకాలను గ్రామంలోని చిట్టచివరి వ్యక్తి వరకు చేరేలా కృషి చేయాలని నూతనంగా ఎన్నికైన సర్పంచ్ లకు సూచించారు. రానున్న ఎంపీటీసీ, జడ్పిటిసి ఎన్నికల్లోను ఇదే సత్తాను కొనసాగించి భారతీయ జనతా పార్టీకి అఖండ మెజారిటీ ఇవ్వాలని కోరారు. ఈ కార్యక్రమంలో బిజెపి రాష్ట్ర అధికార ప్రతినిధి గంగాపురం వెంకట్ రెడ్డి గారు, అసెంబ్లీ కన్వీనర్ దేవేందర్ రెడ్డి, తిమ్మాపూర్ గ్రామ సర్పంచ్ గానుగుపేట అంజమ్మ, ఆకులమైలారం సర్పంచ్ ఏ నరేష్, బేగంపేట్ సర్పంచ్ జాపాల పూజా హరిబాబు, దాసర్లపల్లి సర్పంచ్ టేకుమట్ల బాలరాజు, ఆకులమైలారం ఉప సర్పంచ్ అచ్చన్న సురేష్, వార్డు మెంబర్లు, మాజీ ప్రజా ప్రతినిధులు, బిజెపి రాష్ట్ర నాయకులు, జిల్లా నాయకులు, మండల నాయకులు, బీజేవైఎం నాయకులు మరియు వివిధ గ్రామస్తులు పాల్గొన్నారు.

డిసెంబర్ 16 హైదరాబాద్: ది అపాయింట్మెంట్ కమిటీ అఫ్ జిపిఎఫ్ భారత-నేపాల్ దేశాల మధ్య డైరెక్టర్ & శాంతి రాయబారిగా డాక్టర్ రామ్ తిలక్ నియమితులయ్యారు. భారతదేశం మరియు నేపాల్ మధ్య వాణిజ్యం, సంస్కృతి, కళ మరియు సాహిత్యం కోసం డైరెక్టర్ & శాంతి రాయబారి కీలక పాత్రకు ప్రముఖ విద్యా మరియు సాంస్కృతిక ప్రతిపాదకుడు రామ్ తిలక్ నియమించినట్లు కమిటీ ప్రకటించడం గర్వంగా ఉంది.ఈ నియామకం కీలకమైన సమయంలో వచ్చింది, మెరుగైన ప్రజల మధ్య అనుసంధానం మరియు వ్యూహాత్మక సహకారం ద్వారా వారి ప్రత్యేకమైన, శతాబ్దాల నాటి ద్వైపాక్షిక సంబంధాలను మరింత బలోపేతం చేయడానికి ఇరు దేశాల నిబద్ధతను పునరుద్ఘాటిస్తుంది.దేశ భాగస్వామ్య శ్రేయస్సు మార్గాన్ని ఏర్పరచుకోవడం హిమాలయ సాంస్కృతిక వారసత్వంపై విస్తృతమైన పరిశోధనలకు, ద్వైపాక్షిక వేదికలను విజయవంతంగా నిర్వహించడానికి ప్రసిద్ధి చెందిన డాక్టర్ రామ్ తిలక్, భారతదేశం-నేపాల్ సంబంధాలకు పునాది వేసే నాలుగు కీలక రంగాలలో కార్యక్రమాలకు నాయకత్వం వహిస్తారు. వాణిజ్యంః ద్వైపాక్షిక వాణిజ్యాన్ని పెంపొందించడానికి, జాయింట్ వెంచర్లను ప్రోత్సహించడానికి, పరస్పర ఆర్థిక ప్రయోజనం కోసం న్యాయమైన వాణిజ్య పద్ధతులను ప్రోత్సహించడానికి చర్చలు, సహకారాలను సులభతరం చేయడం. సంస్కృతి మరియు కళా రంగం లో రెండు దేశాల ఉమ్మడి వారసత్వం, మతపరమైన సారూప్యతలు మరియు విభిన్న కళాత్మక వ్యక్తీకరణలను జరుపుకోవడానికి ఉమ్మడి పండుగలు, ప్రదర్శనలు మరియు మార్పిడి కార్యక్రమాలను నిర్వహించడం.సాహిత్యంః భారతీయ మరియు నేపాలీ రచయితల మధ్య అనువాదం, ప్రచురణ మరియు సాహిత్య మార్పిడిని ప్రోత్సహించడం, ప్రతి దేశం యొక్క సమకాలీన మరియు సాంప్రదాయ కథనాలపై లోతైన అవగాహనను పెంపొందించడం.శాంతి రాయబారి గా సంభాషణల ద్వారా చిన్న చిన్న విభేదాలను పరిష్కరించడానికి, సద్భావనను ప్రోత్సహించడానికి మరియు భాగస్వామ్య ఆధ్యాత్మిక మరియు భౌగోళిక బంధాలు సంబంధంలో ప్రధానమైనవిగా ఉండేలా చూడటానికి ఒక వంతెనగా వ్యవహరించడం. డాక్టర్ రామ్ తిలక్ ఈ పాత్రకు అవసరమైన దౌత్య చతురత మరియు లోతైన సాంస్కృతిక అంతర్దృష్టి యొక్క ప్రత్యేకమైన సమ్మేళనాన్ని కలిగి ఉన్నారు. మన ఉమ్మడి చారిత్రక, సాంస్కృతిక సామీప్యాన్ని ఆర్థిక, మేధో రంగాలలో స్పష్టమైన వృద్ధిగా మార్చడంలో ఆయన నాయకత్వం కీలక పాత్ర పోషిస్తుంది “అని అన్నారు. ఈ పాత్రను పోషించడం గురించి డాక్టర్ రామ్ తిలక్ మాట్లాడుతూ, “ఈ బాధ్యతను స్వీకరించడం నాకు చాలా గౌరవంగా ఉంది. భారతదేశం మరియు నేపాల్ కేవలం పొరుగువారే కాదు; మనం ఒకే సాంస్కృతిక మరియు ఆధ్యాత్మిక నిర్మాణంతో ముడిపడి ఉన్నాము. వాణిజ్యం, కళ మరియు సాహిత్యం యొక్క దారాలను చురుకుగా పెంపొందించడం, మన పౌరులందరికీ శాశ్వతమైన శాంతి మరియు భాగస్వామ్య శ్రేయస్సు యొక్క వాతావరణాన్ని పెంపొందించడం నా లక్ష్యం. సరిహద్దుకు ఇరువైపులా ఉన్న కమ్యూనిటీలు, సంస్థలతో కలిసి పనిచేయడానికి నేను ఎదురుచూస్తున్నాను “అని అన్నారు. డాక్టర్ రామ్ తిలక్ గౌరవనీయమైన సాంస్కృతిక కార్యకర్త, ఆర్థికవేత్త మరియు దక్షిణాసియా ద్వైపాక్షిక సంబంధాలపై దృష్టి సారించిన 10 సంవత్సరాల అనుభవం కలిగిన శాంతి రాయబారి. అతను మానవ హక్కులలో పోస్ట్ గ్రాడ్యుయేషన్ డిగ్రీని కలిగి ఉన్నాడు మరియు సరిహద్దు అవగాహనకు ఆయన చేసిన కృషికి ప్రతిష్టాత్మక భారత్ గౌరవ్ రత్న అవార్డు తో పాటుగా మరెన్నో జాతీయ అంతర్జాతీయ అవార్డులు అందుకున్నారు.